Кохи сафед табли шодӣ мезанад, Испания рад мекунад

Чоруми марти соли 2026 сухангӯи Кохи Сафед Каролин Левит эълон кард, ки Испания пас аз таҳдидҳои президент Доналд Трамп гӯё розӣ шуд, ки бо нерӯҳои мусаллаҳи ИМА дар заминаи ҷанги ҷорӣ алайҳи Эрон ҳамкорӣ кунад.
“Дар мавриди Испания, ман фикр мекунам, ки онҳо паёми президентро, ки бо овози баланд ва возеҳ гуфта буд, шуниданд. Тавре ки ман мефаҳмам, онҳо дар тӯли чанд соати охир розӣ шуданд, ки бо нерӯҳои мусаллаҳи ИМА ҳамкорӣ кунанд” – гуфт Левит дар брифинги матбуотӣ. Вай илова кард, ки низомиёни амрикоӣ аллакай бо ҳамкорони испанӣ ҳамоҳанг ҳастанд, аммо ҷузъиёти ҳамкории эҳтимолиро мушаххас накард.
Изҳорот пас аз шарти қатъии Трамп аз сеюми март оғоз ёфт: Вай таҳдид кард, ки муносибатҳои тиҷоратиро бо Испания комилан қатъ мекунад, зеро Мадрид ба истифодаи пойгоҳҳои муштарак дар Рота ва Морон барои зарбаҳо ба Эрон иҷозат надод. Ин пойгоҳҳо, гарчанде ки дар якҷоягӣ бо ИМА солҳои1950 сохта шудаанд, аммо ҳоло пурра моликияти Испания ҳастанд. Ҳукумати Сарвазир Педро Санчес суханони Кохи Сафедро фавран рад кард. Вазири корҳои хориҷӣ Хосе Мануэл Албарес дар мусоҳиба бо радиои Cadena Ser қатъиян изҳор дошт: “Мавқеи Ҳукумати Испания дар ҷанг дар Шарқи Наздик, бомбаборони Эрон ва истифодаи пойгоҳҳои мо ба тағйир наефтааст”. Сарвазир Санчес дар муроҷиати телевизионӣ шиори ” Нест бод ҷанг” – ро такрор кард ва амалиёти якҷонибаи низомии ИМА ва Исроилро ҳамчун вайрон кардани ҳуқуқи байналмилалӣ маҳкум кард ва муноқишаро бо “рулеткаи русӣ”муқоиса кард.
Пештар, дуюми март, пас аз оғози зарбаҳо, Испания гуфта буд, ки барои ҳамла ба Эрон ҳеҷ гуна кӯмак пешниҳод накардааст ва нахоҳад кард: Ҳавопаймоҳои сӯзишвории амрикоӣ (тақрибан 15 адад) пойгоҳҳои Рота ва Моропро тарк карда, ба Олмон кӯчиданд. Вазири мудофиа Маргарита Роблес таъкид кард, ки ҳама гуна истифодаи пойгоҳҳо бояд ба созишномаи дуҷониба ва Оинномаи СММ мувофиқат кунад. Вазъ пурташанниҷ боқӣ мондааст: кохи Сафед “ғалаба” ба Испанияро тасдиқ мекунад, мақомоти Испания ин иддаоҳоро дурӯғ меноманд. Мулоқоти вазири мудофиаи Испания бо сафири ИМА, ки аз ҷониби хабаргузории efe сабт шудааст, ба назар мерасад, ки мавқеи Мадридро тағйир надодааст.
Расонаҳои байналмилалӣ (Reuters, AP, BBC, Politico, El País) ин ҳодисаро ҳамчун бӯҳрони ҷиддии дипломатӣ дар дохили НАТО тавсиф мекунанд: Испания яке аз камтарин овозҳои аврупоӣ боқӣ мемонад, ки ошкоро зидди фишор ва исрор ба дипломатия аст. То он даме, ки дар мавқеи Мадрид тағироти воқеӣ вуҷуд надорад, кишвар хатти “нест бод ҷанг” ва афзалияти ҳуқуқи байналмилалиро устувор нигоҳ медорад.