Эрон оташбаси муваққатиро рад кард

Теҳрон исрор меварзад, ки сулҳи доимӣ бояд фавран ба мувофиқа расад
“Эрон ба Покистон, миёнарави байни Теҳрон ва Вашингтон, посухи худро ба пешниҳоди оташбас ирсол кард” – хабар медиҳад irna. Нақшаи додашудаи Эрон аз даҳ нукта иборат аст. Дар он Теҳрон пешниҳоди оташбаси муваққатиро рад карда, изҳор дошт, ки ба ҷои он бояд ба қатъи ниҳоии ҷанг ноил бояд шаванд. Эрон инчунин талаб мекунад, ки таҳримҳо бекор карда шаванд ва протокол барои бехатар гузаронидани киштиҳо аз обдараи Ҳурмуз таҳия карда шавад. Reuters қаблан рӯзи 6 апрел навишта буд, ки Покистон ба ИМА ва Эрон варианти нақшаи сулҳи худро додааст. Он оташбаси фаврӣ ва оғози музокироти фаъолро бо давомнокии 15-20 рӯз барои муҳокимаи созишномаи васеи сулҳ пешбинӣ мекунад. Axios навиштааст, ки ИМА ва Эрон бо иштироки миёнаравҳои минтақавӣ низ шартҳои оташбас ба мӯҳлати 45 рӯзро баррасӣ мекунанд. Нашрия инро “охирин кӯшиши пешгирӣ аз шиддат гирифтани вазъият” номид. Ба гуфтаи нашрия, Амрико ва Исроил аллакай нақшаи зарбаҳои пуршиддатро ба энергетикаи Эрон омода кардаанд.
Президенти ИМА Доналд Трамп ваъда дод, ки агар Теҳрон ба зудӣ обдараи Ҳурмузро накушояд, барои Эрон “ҷаҳаннам” меофарад. Мӯҳлати Трамп шаби чоршанбе, 8 апрел ба охир мерасад.