Гурӯҳи наҷотдиҳандагон барои наҷоти кӯҳнаварди рус Наталя Наговитсина ба қуллаи “Ғалаба” – Қирғизистон ба баландии тақрибан 7 ҳазор метр равона шуданд. Тавре ки котиби матбуотии вазорати мудофиаи Қирғизистон Алмаз Сарбанов хабар додааст, онҳо дар се рӯз ба он ҷо мерасанд, агар обу ҳаво имкон диҳад. Дар айни замон, маълум нест, ки оё зани рус зинда аст ё не. Ду рӯз пеш тариқи тайёраи бесарнишин ӯро кофтанд. Он замон вай нишонаҳои ҳаётро нишон медод.
“Агар вай зинда бошад, ин мӯъҷиза аст… Ин қадар рӯз бе хӯрок, бе ҳеҷ чиз. Дар хунукӣ… Бе ҳаракат хобидан душвор аст ” гуфтаанд аз вазорати мудофиаи Қирғизистон ба телевизиони RT.
Рӯзи шанбе чархбол кӯшиш кард, ки ба баландии тақрибан 4 ҳазор метр барояд, вале натавонист. Ҳангоми нишастани чархбол ҳавонавардон осеб диданд.
Ба андешаи кӯҳнавард Владимир Шатаев, дар назария, аз чунин баландӣ метавон одамро поён овард, аммо барои ин ҳадди аққал чор ё шаш кӯҳнаварди дараҷаи олии касбӣ лозим аст.
Қирғизистон: Зинда пайдо кардани кӯҳнавард мӯъҷиза хоҳад буд!
Блоки рекламавӣ
