Имрӯз гаравгонҳои исроилӣ озод мешаванд

Усома Ҳамдон, мақоми баландпояи гуруҳи фаластинии “Ҳамос” гуфтааст, ин гуруҳ субҳи душанбеи 13-уми октябр раванди озод кардани гаравгонҳои исроилиро оғоз менамоянд.
Ҳамдон ёздаҳуми октябр ба хабаргузории “Фаронса” гуфт, “бар асоси тавофуқи имзошуда табодули зиндониён субҳи душанбе оғоз мешавад”.
Бар асоси созише, ки 9-уми октябр дар Миср ҳосил шуд, дар марҳилаи аввал “Ҳамос” бар ивази раҳоии ду ҳазор зиндонии фаластинӣ тамоми гаравгонҳоро озод менамоянд.
Исроил бовар дорад бист тан аз гаравгонҳо ҳанӯз зинда ҳастанд.
Неруҳои “Ҳамос” 7-уми октябри соли 2023 ба Исроил ҳамла карда, 1200 нафарро куштанд ва беш аз 250 тани дигарро асир гирифтанд. Дар пайи тавофуқҳои қаблӣ як қисм гаравгонҳо озод гардиданд. Дар пайи ҳамлаҳои ду соли Исроил ба Ғазза, 67 ҳазор фаластинӣ кушта шудаанд, ки аксари онҳо занон ва кӯдакон ҳастанд.