ИМА Русияро аз Венесуэла берун карданист?

Вазорати молияи ИМА рӯзи сешанбе барои амалиёт бо нафти Венесуэла иҷозатнома дод, ки ҳама гуна амалиётро бо иштироки шахсони алоҳида ва ширкатҳои Русия, Эрон, КНДР ва Куба манъ мекунад. Ҳуҷҷат аз ҷониби Идораи назорати дороиҳои хориҷӣ (OFAC) нашр шудааст.
Манъкунӣ ҳам ба шахсони воқеӣ ва ҳуқуқие, ки дар ин кишварҳо сабти ном шудаанд ва ҳам ба инчунин сохторҳои таҳти назорати мустақим ё ғайримустақим қарор доранд е корхонаҳои муштарак бо иштироки онҳо мебошанд. Инчунин, иҷозатнома амалиётҳоро бо шахсони ҳуқуқӣ аз Венесуэла ва ИМА, ки бевосита ё бавосита ба ҷониби сохторҳои Чин тааллуқ доранд ё назорат карда мешаванд ё корхонаҳои муштараке мебошанд, ки дар Чин иштирок мекунанд, манъ мекунад.
Литсензия ба тиҷорати амрикоӣ ҳуқуқ медиҳад, ки дар Венесуэла фаъолияти нафту газро пеш барад ва ба онҳо имкон диҳад, ки ашеи хомро кашф, таҳия ва истихроҷ кунанд. Иҷозат инфрасохтор ва хидмати марбута, аз ҷумла амалиети молиявӣ, логистика (аз ҷумла боркашонӣ ва суғуртаи киштиҳо) ва хидматрасонии бандарҳоро фаро мегирад.