ИМА дар бораи суқути ҳавопаймоаш дар Ироқ хабар дод

Гурӯҳи тарафдори Эрон изҳор дошт, ки онро сарнагун кардааст.
“Ҳавопаймои сӯзишвории Амрико KC-135 дар ғарби Ироқ суқут кард”, – хабар додааст фармондеҳии марказии нерӯҳои мусаллаҳи ИМА (CENTCOM). Тибқи маълумоти низомиён, ин ҳодиса дар амалиёти зидди Эрон “Ғазаби Эпикӣ”рух додааст.
Дар ин ҳодиса ду ҳавопаймо иштирок карданд. Яке аз онҳо дар ғарби Ироқ суқут кард ва дигаре бехатар фуруд омад. Ин аз сабаби оташи душман ё зарбаи худиҳо набуд”, – гуфта мешавад дар гузориши фармондеҳии Амрико.
Дар бораи он ки чанд узви экипаж дар дохили ҳавопаймои суқуткарда буданд, инчунин ҳолати онҳо, фармондеҳӣ хабар надодааст.
Гурӯҳи тарафдори Эрон “Муқовимати исломӣ дар Ироқ” изҳор дошт, ки ҳавопаймои сӯзишвории амрикоии КС-135-ро сарнагун кардааст. Дар гузориши ин гурӯҳ, ки Reuters иқтибос меорад, гуфта мешавад, ки ҳавопаймо “барои ҳимояи соҳибихтиерӣ ва фазои ҳавоии кишвар” сарнагун гардид.
Тибқи маълумоти Reuters, ҳавопаймои дуюм, ки дар ин ҳодиса иштирок кардааст, низ KC—135 буд. Оҷонсӣ мегӯяд, ки дар дохили ҳавопаймои суқути сӯзишворӣ “то шаш сарбоз” буданд.