Холҳои ҷаримавӣ сабаби кам шудани садама мешаванд

Аз замони ҷорӣ шудани холҳои ҷаримавӣ шумораи садамаҳои нақлиётӣ дар Ӯзбекистон қариб аз се як фоиз кам шудааст
Аз 1 июн, вақте ки дар Ӯзбекистон низоми холҳои ҷаримавӣ ҷорӣ шуд, то 30 октябри соли ҷорӣ шумораи садамаҳои бо айби ронандагон содиршуда 31,2% коҳиш ефт. Чунин оморро “Газета.uz” бо истинод ба котиби матбуотии Хадамоти амнияти ҳаракати роҳҳои Вазорати корҳои дохилӣ (ВКД) ҷумҳурии Ӯзбекистон Зойир Юлдошев меорад.
Дар давраи ҳисоботӣ шумораи умумии садамаҳои роҳу нақлиёт низ коҳиш ёфтааст, аммо на он қадар зиед – 6,8%. Дар айни замон, шумораи дақиқи ҳуқуқвайронкуниҳо аз ҷониби мансабдор оварда нашудааст. Ба гуфтаи Юлдашев, омор нишон медиҳад, ки системаи холҳои ҷарима воқеан кор мекунад, то ҷорӣ шудани он чунин раванди мусбат мушоҳида нашудааст.
Тибқи маълумоти вазорати корҳои дохилӣ, дар панҷ моҳи охир нисбати беш 114 ҳазор ронанда холҳои ҷарима ситонида шуданд. Аксарияти ронандагон имрӯз аз як то панҷ хол доранд. Шаш шаҳрванд аз панҷ то шаш, як нафари дигар мутаносибан ҳафт ва ҳашт хол доранд.
Маълумотро дар бораи холҳои ҷаримавӣ тавассути портали ягонаи хадамоти интерактивии давлатӣ (EPIGU) ё барномаи мобилии Safe Road, ки барои iOS ва Android таҳия шудааст, пайдо кардан мумкин аст.
Дар баробари ин, Юлдошев хотиррасон кард, ки аз 1 апрели соли 2026 ҳисобкунии холҳо натанҳо аз рӯи протоколҳои бевосита аз ҷониби нозирон тартиб дода шуда, балки дар асоси маълумоти системаҳои автоматии сабти вайронкуниҳо камераҳои видеоӣ ва радарҳо сурат мегирад.
Муваффақияти озмоишро намояндагони вазорати корҳои дохилии Ӯзбекистон қаблан ҳам қайд карда буданд. Ҳамин тавр, моҳи сентябри соли 2025 кормандони ҳифзи ҳуқуқ маълумотро дар бораи вайрон кардани қоидаҳои ҳаракат дар роҳ дар се моҳи тобистон пешниҳод карданд. Дар ин муддат 167 ҳазор чунин ҳолатҳо ба қайд гирифта шудаанд, ки нисбат ба ҳамин давраи соли гузашта, ки нишондиҳанда 285 ҳазор нафарро ташкил дод, 58 фоиз камтар аст.