Варзишгарони вилояти Хатлон дар шаш моҳи соли ҷорӣ аз чемпионат ва мусобиқаҳои ҷумҳуриявию байналмилалӣ 1 ҳазору 436 нишон ба даст оварданд, ки нисбат ба ҳамин давраи соли 2024-ум 118 нишон зиёд мебошад.
Сардори Раёсати кор бо ҷавонон ва варзишӣ вилояти Хатлон Рамазон Насридинзода ба “Фараж” иттилоъ дод, варзишгарони вилоят дар ин давра дар беш аз 60 чемпионат ва мусобиқаҳои ҷумҳуриявӣ ширкат варзида, сазовори 380 нишони тило, 426 нишони нуқра, 522 нишони бириҷӣ дар умум соҳиби 1 ҳазору 328 нишон гардиданд. Ӯ гуфт, ки инчунин варзишгарони вилоят дар 19 мусобиқаҳои байналмилалӣ ширкат варзида, 44 нишони тило, 30 нишони нуқра ва 34 нишони биринҷӣ ба даст оварданд.
– Дар умум варзишгарони вилоят 424 нишони тило, 456 нишони нуқра, 556 нишони биринҷӣ ва ҷамъ 1 ҳазору 436 нишон ба даст оварданд, ки нисбат ба ҳамин давраи соли 2024-ум 118 нишон зиёд мебошад.
