Густав Петро: Нисбати Трамп бояд парвандаи ҷиноӣ кушода шавад

Президенти Колумбия Густаво Петро даъват кард, ки алайҳи Президенти ИМА Доналд Трамп барои ҳамлаҳои ҳавоӣ ба қаиқҳои гумонбар ба қочоқи маводи мухаддир дар Кариб парвандаи ҷиноӣ боз кунанд
Петро ҳангоми суханронӣ дар Ассамблеяи Генералии СММ гуфт, ки ҳамлаҳо ба куштори “камбағалон ва бесилоҳон” ва эҳтимолан ҷавонони Колумбия оварда расониданд.
Коршиносони СММ ҳамлаҳои ИМА-ро “қатли ғайрисудӣ”номиданд.
Вашингтон изҳор дошт, ки ҳамлаҳо як қисми амалиёти мубориза бо маводи мухаддир буданд, ки ба киштиҳои марбут ба Венесуэла нигаронида шуда буданд.
Амрико Президенти Венесуэла Николас Мадуроро дар идоракунии интиқоли маводи мухаддир айбдор менамояд.
Гуфта мешавад, ки дар натиҷаи ҳамлаҳои низомии Амрико ба се қаиқ дар баҳри Кариб на камтар аз 14 нафар кушта шудаанд.