Фотима зеботарин бонуи ҷаҳон шуд

Ғолиби озмуни байналмилалии зебоии “Зебосанами дунё” Фотима Бош аз Мексика шуд. Дар ин бора нашрияи The Philippine Star хабар медиҳад. Тоҷи зеботарин духтари ҷаҳонро соҳиби унвони “Зебосанами дунё -2024”, шаҳрванди Дания Виктория Тейлвиг ба Фотима супорид. Ҷойи дуюмро намояндаи Таиланд гирифт. Ҷойҳои сеюм, чорум ва панҷум ба намояндагони Венесуэла, Филиппин ва Кот-Дивуар дода шуд.
Маросими ҷоизасупорӣ бо эълони 30 финалист оғоз ёфт. Аксари иштирокчиён аз Ҳиндустон, Гваделупа, Чин, Таиланд, Ҷумҳурии Доминикан, Бразилия, Руанда, Кот-Дивуар, Колумбия, Нидерландия, Куба, Бангладеш, Ҷопон, Пуэрто-Рико, ИМА, Мексика, Филиппин, Зимбабве, Коста-Рика, Малта, Чили, Канада, Хорватия, Парагвай, Венесуэла, Гватемала, Фаластин, Никарагуа ва Фаронса ҳастанд. Намояндаи Русия Анастасия Венза, ки қаблан дар озмуни либосҳои миллӣ ноком баромад карда буд, ба топ-30 финалист дохил нашуд.