Дар натиҷаи фурӯ рехтани теппаи азиме дар як маҳалли заршӯӣ дар ноҳияи Шамсиддини Шоҳин 2 нафар ҳалок шудаанд.
Манобеи огоҳ аз ҳодиса гуфтаанд, ки фалокат 20-уми декабр ҳангоми кор дар маҳалли Сари Ғор рух додааст. Дар онҷо чанд ширкат машғули заршӯӣ ҳастанд.
Бино ба гузоришҳо, чанд рӯз пештар аз ин ҳодиса дар маҳалли Шугнов дар ноҳияи Ховалинг, яке аз маҳалҳои бузурги заршӯӣ низ як нафар зери хок монда ҷон додааст.
Риоя накардани меъёрҳои амниятӣ ва беэҳтиётӣ ҳангоми корро яке аз сабабҳои асосии ҳалокати коргарон дар Тоҷикистон медонанд.
Блоки рекламавӣ
