Донишгоҳи давлатии Бохтар ба номи Носири Хусрав барои 460 донишҷӯ хобгоҳи 7-ошёнаи замонавӣ месозад.
– Маъмурияти донишгоҳи мазкур ҳоло дар маҳаллаи Дӯстии халқҳои шаҳри Бохтар ба сохтмони хобгоҳ шуруъ кардааст, – гуфт котиби матбуотии донишгоҳи Бохтар Комрони Бахтиёр.
Ба иттилои ӯ корҳои сохтмонии иншооти мазкур аз ҷониби пудратчӣ ҶДММ “Шайх Ҳусейн” иҷро гардидааст.
Номбурда илова кард, ки ҳамчунин маъмурияти донишгоҳ азм доранд, ки дар доираи ҷашни 35-солагии истиқлоли давлатии кишвар барои омӯзгорони донишгоҳ бинои нӯҳошёнаи истиқомати бисозанд.
Блоки рекламавӣ
