Доналд Трамп тоҷи Кореяи ҷанубиро ба сар кард

Президенти ИМА дар Сеул ба қабули шоҳ сазовор шуд
Доналд Трамп, ки сафари осиёии худро идома медод, ба Кореяи Ҷанубӣ омад, ки дар он ҷо 30 октябр ӯ бо Президенти Чин Си Ҷинпин дар майдонҳои саммити АТЭС мулоқот мекунад. Пеш аз гуфтушунидҳои душвор бо раҳбари Чин ҷониби кореяи ҷанубӣ Трампро бо мукофоти олии давлатӣ, ордени “Мугунхва” қадрдонӣ кард ва ба ӯ нусхаи тиллои тоҷи давлати асримиёнагии Кореяро барои хидматҳои барҷаста дар таҳкими сулҳ дар нимҷазираи Корея тӯҳфа намуд. Бо вуҷуди ин, озмоиши мушакҳои стратегии болдори Кореяи шимолӣ дар арафаи омадани Трамп ба таври намоён хотиррасон кард, ки сулҳ дар минтақа ҳанӯз хеле дур аст. Сафари Президент Трамп ба Кореяи ҷанубӣ, ки рӯзи чоршанбе оғоз ёфт, нуқтаи ниҳоӣ ва авҷи сафари бузурги осиёгии ӯ буд, ки инчунин сафарҳоро ба Куала-Лумпур ва Токио дар бар мегирифт. Маҳз дар ин ҷо, дар майдонҳои саммити ҳамкории Иқтисодии Осие ва Уқёнуси Ором (АТЭС), 30 октябр рӯйдоди асосии сафари ӯ мулоқот бо Президенти Чин Си Ҷинпин баргузор мешавад, ки натанҳо ба муносибатҳои ИМА ва Чин, балки ба обу ҳавои умумии геополитикӣ дар ҷаҳон таъсири назаррас мерасонад.
Аммо дар Кореяи ҷанубӣ тасмим гирифтанд, ки ҳадди аққал як рӯз пеш таваҷҷӯҳи ҷаҳонро ба худ ҷалб кунанд, то сафари давлатии Президенти ИМА-ро ба як ҷашни бузург барои худ табдил диҳанд.
Трамп, ки ба шаҳри Пусани Кореяи ҷанубӣ омад, бо салюти тӯп ва қолинҳои сурх пешвоз гирифта шуд. Оркестр суруди дӯстдоштаи Ӯ VILLAGE Peoples YMCA-ро иҷро кард, ки аксар вақт дар гирдиҳамоиҳо бо ширкати ӯ дар Амрико садо медиҳад
Аз Пусан, пешвои амрикоӣ бо чархбол ба шаҳри Кенҷу, ҷои баргузории саммити АТЭС омад. Аввалин чорабинии расмӣ ташриф овардан ба осорхонаи Кенҷу буд, ки дар даромадгоҳи павильони “Ҳазорсола табассум” Президенти Кореяи ҷанубӣ Ли Чжэ Мен ӯро интизор буд. Вай ҳамроҳи Президент Трамп намоишгоҳи сувенирҳои Trump Goods-ро тамошо кард.
Нишонаҳои асосии таваҷҷӯҳи Трамп аз ҷониби Президент Ли Чжэ Мен ба вай супортда шуданд. Мукофоти олии давлатии кишвар ордени “Мугунхва” ва нусхаи тиллоии тоҷи давлати асримиёнагии Корея. Дар изҳороти расмии маъмурияти Президенти Кореяи Ҷанубӣ қайд карда мешавад, ки тоҷи ба Президент Трамп тӯҳфашуда таърихи давлатро ифода мекунад. Он ба хотири “давраи сулҳро дар нимҷазираи Корея ба муддати тӯлонӣ барқарор кардан” супорида шуд. Таре ки аз изҳорот бармеояд, дар Сеул умедворанд, ки ИМА ба давраи нави сулҳ дар нимҷазираи Корея кӯмак хоҳад кард.
Дар чунин замина, мавзӯи ҳалли масъалаи нимҷазираи Корея ба таври пешгӯишаванда яке аз мавзуъҳои марказии музокироти ИМА ва Кореяи ҷанубӣ гардид.
“Ман медонам, ки шумо дар нимҷазираи Корея расман дар ҷанг ҳастед, аммо мо мебинем, ки барои ҳалли ин ҳама чӣ кор кардан мумкин аст” – гуфт Президент Трамп ба президент Ли Чже Мену.
Пештар дар ҳавопаймои президентӣ дар роҳ ба Кореяи Ҷанубӣ, дар посух ба саволи рӯзноманигорон, раиси кохи Сафед хабар дод, ки мехоҳад дар ояндаи наздик бо Ким Чен Ин мулоқоти нав баргузор кунад, аммо то ҳол дар ин бора ягон созишнома вуҷуд надорад. “Дар як лаҳза ман метавонам бо ӯ вомехӯрам. Тавре ки шумо медонед, мо ҷадвали хеле банд дорем. Ман бесаброна интизори дидани ӯ дар ояндаи наздик ҳастам” гуфт Трамп. Вай муносибатҳои худро бо раҳбари кореяи шимолӣ, ки дар давраи аввали президентии ӯ ба вуҷуд омада буд, “бисёр хуб”номид. “Ман фикр мекунам, ки онҳо инро мехоҳанд”,— илова кард ӯ дар бораи имкони саммити Амрико ва Кореяи шимолӣ.