Додгоҳи Кишинёв роҳбари Гагаузияи Молдова Евгения Гутсулро бо иттиҳоми вайрон кардани маблағгузории ҳизби мухолифи “Шор”ба 7 соли зиндон маҳкум кард. Дар ин бора вакили мудофеи сиёсатмадор Наталя Байрам ба хабарнигорон хабар додааст.
Ба гуфтаи вай, судя амр додааст, ки Гутсулро мустақиман аз толори суд ба зиндон баранд. Гутсулро дар фурудгоҳи Кишинёв 25 март, пеш аз он ки Молдоваро тарк кунад, боздошт карданд. Вай дар вайрон кардани тартиби идоракунии фондҳои интихоботӣ дар интихоботи мухторият, ки соли 2023 баргузор шуд, айбдор карда шуд. Илова бар ин, сиёсатмадорро дар маблағгузории ғайриқонунии ҳизби “Шор” ва сохтакории ҳуҷҷатҳо айбдор карданд.
Дар аввали моҳи августи соли ҷорӣ дар пойтахти Гагаузия Комрате митинг барои дастгирии Гутсул баргузор гардид. Иштирокчиён якдилона қатъномаро қабул карданд ва аз мақомоти Молдова даъват карданд, ки таъқиби судӣ алайҳи сарвари мухториятро қатъ кунанд.
Дар ҷараёни эътироз, мушовири раиси мухторият Михаил Влах қатъномаеро хонд, ки дар матни он талаб карда мешавад, ки мақомоти Молдова таъқиби Гутсулро қатъ кунанд ва инчунин ӯро фавран аз ҳабс озод кунанд.
