Дмитриев: Русия манфиатдор аст, ки низоъро дар Украина ҳарчи зудтар хотима диҳад

Намояндаи махсуси Президенти Руссия оид ба ҳамкории сармоягузорӣ ва иқтисодӣ бо кишварҳои хориҷӣ дар мусоҳиба бо шабакаи телевизионии CNN изҳор дошт:
“Мо мехоҳем, ки ин муноқишаро ҳарчи зудтар хотима диҳем. Ҳамаи мо мехоҳем, ки ин муноқиша ба таври дипломатӣ хотима ебад”. Дар айни замон, Дмитриев таъкид кард, ки ин танҳо бо назардошти манфиатҳои Руссия имконпазир аст. Вай афзуд, ки нерӯҳои мусаллаҳи Руссия дар Украина танҳо думболаи ҳадафҳои низомӣ ҳастанд. Дар мусоҳиба бо Fox News, намояндаи махсуси Президент қайд кард, ки ҳалли низоъи Украина танҳо чанд унсурҳоро дарбар мегирад, аз ҷумла масъалаи қаламравҳо, бетарафии Украина ва кафолати амният.
Вай гуфт: “Бале, Руссия барои кафолати амният барои Украина боз аст. Албатта, масъалаи ҳудудии марбут ба аҳолии рус вуҷуд дорад, ки ҳанӯз пеш аз оғози низоъ аз ҷониби нерӯҳои украинӣ мавриди ҳамла қарор гирифтааст. Ғайр аз ин, масъалаи бетарафии Украина вуҷуд дорад, ки барои амнияти Руссия муҳим аст. Дмитриев қайд кард, ки ҷустуҷӯи тафоҳумҳо дар бораи низоъи Украина идома дорад. Гуфтан мумкин аст, ки суръати ҳалли масъала дар ИМА аз сабаби нофаҳмиҳо кофӣ нест. Вай инчунин изҳори боварӣ кард, ки мулоқоти раҳбарони Руссияю ИМА, – Владимир Путин ва Доналд Трамп ” эҳтимолан дертар” баргузор мешавад. Дмитриев барои гуфтушунид бо маъмурияти Амрико ба ИМА омад. Вай ният дорад, ки сабаби гуфтушунидҳои тӯлонӣ бо Украинаро ба ҳамкорони амрикоӣ расонад. Тавре ки вай ба хабарнигорон гуфт, чанд вохӯриҳо дар назар аст. Дар назар аст, ки яке аз онҳо оммавӣ бошад, аммо ӯ дар бораи он тафсилот надодааст. Хабарнигори портали Axios Барак Равид қаблан бо истинод ба манбаъ хабар дода буд, ки рӯзи шанбе намояндаи Руссия бо фиристодаи махсуси Президенти ИМА Стив Уиткофф дидор мебинад.
Худи Дмитриев дар сӯҳбат бо Fox News аз тасдиқи мулоқоти оянда бо Уиткофф сарпечӣ кард ва гуфт, ки бо намояндагони Маъмурияти Трамп мулоқот мекунад.