Ҳукумати Русия ба Думаи давлатӣ пешниҳод кардааст, ки асосҳо барои рад кардани иҷозатномаи кор ё патент барои муҳоҷирон бештар карда шаванд.
Бар асоси лоиҳаи қонун, ки дар сомонаи Дума нашр шуд, мақомоти андоз ба таври худкор (автоматӣ) дар бораи даромади шаҳрвандони хориҷӣ ба Вазорати корҳои дохилии Русия маълумот ирсол мекунанд. Дар сурати пешниҳод нашудани ин маълумот, мақомоти Русия метавонанд ба муҳоҷир патент надиҳанд ё иҷозатномаи кории ӯро, ки пештар гирифта буд, бекор созанд.
Ҳамчунин дар ҳолати аз маоши ҳадди ақал камтар будани даромади муҳоҷир, патенти ӯ метавонад бекор карда шавад. Онҳое, ки бори аввал барои гирифтани патент ҳуҷҷат месупоранд аз ин тартиб озод ҳастанд.
Блоки рекламавӣ
