Дар ноҳияи Рӯшон майдончаҳои варзишӣ мавриди истифода қарор дода шуданд. Дар ин маврид аз мақомоти иҷроияи ҳокимияти давлатии вилоят хабар додаанд.
Зимни ифтитоҳи иншоот дар деҳаи Баҷуви Ҷамоати деҳоти Пастхуф Раиси Вилояти Мухтори Кӯҳистони Бадахшон Алишер Мирзонабот иброз намуд, ки танҳо дар шаш моҳи соли равон 27 муассисаи томактабӣ сохта, мавриди истифода қарор гирифт. Дар се соли охир дар шаҳру ноҳияҳои вилоят корхонаҳои саноатӣ ифтитоҳ гардиданд.
Дар деҳаҳои Шуҷанд ва Емси Ҷамоати деҳоти Рӯшон майдончаҳои варзишӣ, ки бо ташаббуси ҷавонони деҳаҳо ва мусоидати ҳамаҷонибаи мақомоти иҷроияи ҳокимияти давлатӣ сохта шудаанд, мавриди истифода қарор дода шуданд.
Блоки рекламавӣ
