29-уми сентябр дар доираи Бозиҳои III кишварҳои ИДМ (Иттиҳоди Давлатҳои Мустақил)-2025 дар Озарбойҷон мусобиқаҳо дар риштаҳои шиноварӣ, бокс, самбо, таеквондо WT, тенниси рӯи миз, волейбол, футбол, тирпаронӣ баргузор гардид.
Варзишгарони тоҷик дар риштаҳои таеквондо WT ва самбо чаҳор медал ба даст оварданд. Дар риштаи таеквондо WT Абдуҷаъфари Баҳодур дар вазни то 54 кило ва Нурулло Муродов дар вазни то 74 кило медалҳои биринҷӣ гирифтанд.
Ду медали дигари биринҷиро паҳлавонони ҷавони тоҷик дар риштаи самбо соҳиб шуданд. Назаралӣ Холов дар вазни то 64 кило ва Ёсин Ҳукуматов дар вазни то 71 кило ҷойҳои сеюмро гирифтанд.
Ин аввалин медалҳои Тоҷикистон дар Бозиҳои III кишварҳои ИДМ-2025 аст.
Блоки рекламавӣ
