Боздошти муовини вазири кишоварзии Қирғизистон

Муовини вазири кишоварзии Қирғизистон Самат Насирдинов бо иттиҳоми даст доштан дар ташкили нақшаи коррупсионӣ вобаста ба содироти ғайриқонунии беш аз 40 ҳазор сар чорво боздошт шуд, ки тибқи маълумоти тафтишот боиси болоравии нархи гӯшт дар дохили кишвар гардид.Дар ин бора “Кабар” бо истинод ба кумитаи давлатии амнияти миллӣ (ГКНБ) хабар медиҳад.
Моҳи июли соли 2025 Вазорати захираҳои об, кишоварзӣ ва саноати коркард квотаҳои содироти чорворо барои таъмини амнияти озуқаворӣ ва мӯътадилсозии бозори дохилӣ ҷорӣ кард. Аммо, тибқи маълумоти идораи ГКНБ дар вилояти Ҷалолобод, муовини вазири вазорати кишоварзӣ Н.С. Н., директори хадамоти байторӣ К. У. ва як қатор мансабдорони дигар схемаи коррупсиониро ташкил карданд. Онҳо ба филиалҳое, ки дар асл чорводорӣ намекарданд, ғайриқонунӣ квота медоданд. Кормандони идораҳои байторӣ бо дастури шахсони мансабдор санадҳои мавҷудияти чорворо тақаллубӣ мекарданд ва квотаҳо ба соҳибкорон 300 доллар барои як сар чорвои калон ё 5000 сомонӣ (57 доллар) барои як воҳиди чорвои хурд фурӯхта мешуданд:”Дар натиҷаи ташкили ин схемаи коррупсионӣ ба ҷумҳурии ҳамсояи Ӯзбекистон тавассути қаламрави вилояти Ҷалолобод беш аз 40 000 сар чорво ғайриқонунӣ содир карда шуд, ки ин сабаби болоравии нархи гӯшт гардид”,-таъкид карданд дар ГКНБ..
Шахсони мансабдор ва миёнаравҳои зикршуда боздошт шуданду тафтишот идома дорад.