Блумберг: Макрон аз аъзои “Шӯрои Сулҳ” шудан худдорӣ кард. Путинро ҳам даъват карданд

“Президенти Фаронса Эммануэл Макрон даъвати Президенти ИМА Доналд Трампро барои ҳамроҳ шудан ба “Шӯрои сулҳ” қабул намекунад”, хабар додааст расонаи Bloomberg рӯзи 19 январ бо истинод ба манбаъ.
Ба гуфтаи манбаъ, Макрон бар ин назар аст, ки оинномаи созмони нави байналмилалӣ аз доираи масъалаҳои Ғазза берун меравад, на тавре ки дар аввал пешбинӣ шуда буд.
“Президенти Фаронса аз зарурати риоя нашудани принсипҳо ва чаҳорчӯбаи институтсионалии СММ, ки Париж мехоҳад дар чаҳорчӯбаи он гуфтушунид кунад, ба таври ҷиддӣ нигарон аст”, – илова кард манбаъ.
“Шӯрои сулҳ” ҳамчун мақоми байналмилалӣ барои идоракунии бахши Ғазза пас аз оташбас пешбинӣ шуда буд. Аммо аз рӯи матни оинномаи созмон, ки Bloomberg бо он шинос шудааст, шӯро мехоҳад “сулҳи пойдорро дар минтақаҳои аз низоъ зарардида таъмин кунад”. Аввалин роҳбари ин созмон Трамп хоҳад буд, ва аз иштирокчиён барои узвияти умрбод миллиард доллар ситонида мешавад. Тибқи иттилои Bloomberg, Трамп ният дорад 22 январ оинномаи “шӯрои сулҳ” – ро дар Давосро имзо кунад.
Дар ин замина, нигарониҳо ба миён омадаанд, ки Доналд Трамп мехоҳад рақиби Созмони Милали Муттаҳидро, ки Президенти ИМА борҳо танқид кардааст, таъсис диҳад.
Даъвати ҳамроҳ шудан ба “Шӯрои сулҳ” – ро Президенти Аргентина Хавер Милей, сарвазири Канада Марк Карни ва якчанд роҳбарони аврупоӣ гирифтанд. Дар Кремл гуфтанд, ки Президенти Руссия Владимир Путинро ба ҳам ба “Шӯрои сулҳ” даъват кардаанд. Александр Лукашенко низ ба созмон даъват карда шуд.