Бинои нави Раёсати минтақавии Агентии назорати давлатии молиявӣ ва мубориза бо коррупсия

9 декабр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон зимни сафари корӣ ба шаҳри Турсунзода дар маркази шаҳр бинои нави Раёсати минтақавии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар гурӯҳи ноҳияҳои водии Ҳисорро ифтитоҳ намуданд.
Бинои зебои навбунёд аз 10 ҳуҷраи корӣ, китобхона, маҷлисгоҳ, ошхона, толори варзишӣ барои пешбурди ҳаёти солим, хонаҳои истиқоматии хизматии дуҳуҷрагӣ ва дигар иншооти ёрирасон иборат мебошад.
Сохтмони бинои нав моҳи январи соли 2024 оғоз гардида, моҳи ноябри соли 2025, дар муҳлати муайянгардида бо сифати баланд ҷавобгӯ ба талаботи муосир бунёд шудааст.
Дар ҳамин ҷо Пешвои миллат муҳтарам Эмомалӣ Раҳмон ба се оилаи ҷавони кормандони агентии мазкур калиди хонаҳои истиқоматии дуҳуҷрагии муҷаҳҳазро тақдим намуданд.