Қазоқистон: Пахши каналҳои телевизиёнии Русия қатъ шуд

Бузургтарин оператори кабелии Қазоқистон Alma.plus пахши “шабакаи якум” ва як қатор шабакаҳои дигари телевизионии Русияро қатъ кард.
Тавре ки дар сайти оператор хабар дода мешавад, аз 28 феврал “дар робита бо ба охир расидани мӯҳлати иҷозатномаи муваққатӣ аз соҳиби ҳуқуқ” пахши шабакаҳои телевизионӣ, ки ба бастаи “Оилаи Рақамии Телевизионии шабакаи Аввал” дохил мешаванд, қатъ карда шуд. Оператор қайд кардааст, ки онҳо ба ҷои шабакаҳои хомӯшшуда “рӯйхати шабакаҳои алтернативии телевизиониро омода кардаанд”. Дар нашрияи Alma.plus инфографика дар тарафи чап каналҳое ҷойгир карда шудаанд, ки ҳоло дар шабакаи пахши барномаҳо мавҷуд нестанд ва дар тарафи рост каналҳое, ки онҳоро иваз мекунанд.Тавре менависад ORDA.kz, аз шабакаи пахши дигар операторҳои қазоқистонӣ инчунин канали Аввал, НТВ ва дигар шабакаҳо нопадид шуданд. Дар иваз, каналҳое илова карда шуданд, ки онҳоро танҳо бо пардохти обуна тамошо кардан мумкин аст.
Ёдовар мешавем, ки соли 2022 ширкати телекоммуникатсионии “Beeline Қазоқистон” эълон кард, ки ният дорад пахши як қатор каналҳои Русияро (аз ҷумла шабакаи аввал) қатъ кунад ва инро бо “тағйирот дар афзалияти тамошобинон” шарҳ дод. Пас аз як моҳ ширкат ин қарорро бекор кард.