Аввалин кинои қазоқӣ-испанӣ дар таърих

10 октябр дар Испания ва 30 октябр дар Қазоқистон филми La tregua (дар тарҷумаи русӣ “Сулҳ”) драмаи таърихии қазоқистонӣ — испанӣ дар бораи ду испанӣ, ки дар “Гулаг” – и замони Шӯравӣ қарор доштанд, ба намоиш гузошта мешавад. Филм асоси воқеӣ дорад: дар зиндони “Спасск-99” дар Қарағанда дар солҳои ҷанги дуюми ҷаҳонӣ низомиёни испанӣ нигоҳ дошта мешуданд, ки пас аз ҷанги шаҳрвандӣ дар Испания ба СССР омада буданд ва ба системаи зиндонҳои маҷбурӣ фиристода шуда буданд.
Тавре ки сайти Espania.Me менависад, сужаи филм дар бораи капитан Рейес (ҳунарпеша Aarón Piper) ва лейтенант Салгадо (ҳунарпеша Miguel Herrán), ду низомие, ки дар ҷанги шаҳрвандии Испания дар ҷабҳаҳои ба ҳам зид меҷангиданд, нақл мекунад. Онҳо бо ҳукми тақдир дар як зиндони Шӯравӣ дар дашти қазоқ бо ҳам рӯ ба рӯ мешаванд. Барои зинда мондан дар шароити сахт, душманони собиқ маҷбур мешаванд, ки ихтилофи идеологиро фаромӯш кунанд.
Режиссёри филм Miguel Ángel Vivas аст, ки бо кор дар сериали испании La casa de papel (“Хонаи коғазӣ”) маъруф мебошад. Наворбардорӣ дар вилояти Álava, дар вилояти мухтори кишвари Баскҳои Испания сурат гирифт. Дар он ҷо декоратсияи аҷиб сохта шуд, ки шароити зиндони Шӯравиро бо баракҳо ва симхорҳо ифода мекунад. Барои эътимоди тамошобин, гурӯҳи наворбардорӣ чанд тонна барфи сунъиро истифода бурдааст то сахт будани зимистони саҳрои қазоқро нишон диҳад.