Суди олии Онтариои Канада тайид кардааст, ки ҳавопаймои байналмилалии Укроин масъули ҳуқуқи пардохти ҷуброни пурра ба хонаводаи қурбониёни воқеаи суқути парвози PS 752 аст.
Додгоҳи шикоятии Онтарио дар Канада даъвои ширкати байналмилалии ҳавопаймоии Украинаро рад карда, ҳукми додгоҳи Онтарио дар соли гузаштаро бетағйир гузошт. Субҳи 8-уми январи соли 2020 парвози 752-и ширкати ҳавопаймоии Украина бо ду мушаки Сипоҳи посдорони инқилоби исломии Эрон дар наздикии Теҳрон, чанд дақиқа пас аз парвоз аз фурудгоҳи Имом Хумайнии Теҳрон ба самти Киеви Украина, сарнагун карда шуд. 176 сарнишини ҳавопаймо, ки аксари онҳо шаҳрвандони Канада ва Эрон буданд, ки тавассути Киев ба Канада парвоз мекарданд, кушта шуданд.
Анҷумани хонаводаҳои қурбониёни парвози PS752 мегӯяд, ки ҳукми Додгоҳи таҷдиди назар дар Онтарио масъулияти Сипоҳи посдорони инқилоб ва Ҷумҳурии Исломии Эронро дар ин ҳодиса беэътибор ё рад намекунад ва ба амалкард ё шикоятҳои қонунии ин иттиҳодия таъсир намерасонад. Ин ҳукм бар асари даъвои чанд хонавода алайҳи ширкати ҳавопаймоии Украина, ки ҳоло мавриди баррасии парвандаҳои дигари ҳуқуқӣ қарор дорад, аз ҷумла даъвои чаҳор кишвар алайҳи Эрон ва Сипоҳи посдорони инқилоби исломӣ, ки дар Додгоҳи байналмилалии адлия баррасӣ мешавад, гирифта шудааст.
Соли гузашта додгоҳи Онтарио ҳукм кард, ки ширкати байналмилалии ҳавопаймоии Украина дар арзёбии хатари парвози PS752 “беэҳтиётӣ” кардааст.
