Қатораи Чин- Қирғизистон – Ӯзбекистон – Тоҷикистон ба роҳ баромад

Аввалин қатораи боркаш аз долони нақлиётии Чин-Қирғизистон-Ӯзбекистон-Тоҷикистон ба роҳ баромад. Он аз истгоҳи “Ланчжоу” оғоз ёфта, то истгоҳи Душанбе-2 идома меёбад. Дар ин бора хадамоти матбуотии ҷамъияти саҳомии Ӯзбекистон “Узтемирйулконтейнер”хабар додааст.
Қайд карда шуд, ки ин ҶДММ яке аз муассисони корхонаи муштараки UTK International Logistics мебошад, ки дар Чин таъсис ёфтааст ва ҳайати озмоиширо тавассути хатсайри пайвасткунандаи “Поднебесная” бо Осиёи Марказӣ фиристодааст.
Лоиҳаи мазкур дар доираи созишномаҳо оид ба таҳкими ҳамкориҳои минтақавӣ ва рушди робитаҳое, ки дар мулоқоти президентҳои Қирғизистон, Ӯзбекистон ва Тоҷикистон дар Душанбе, дар соли 2025 ба имзо расидаанд, қадами амалӣ гардид.
Дар қатораи аввал 8 контейнер бо молҳои истеъмолии халқ ва техникаи сохтмонӣ ҳастанд. Дарозии умумии хатсайр зиёда аз 3500 километр аст. Интизор меравад, ки вақти сафар аз 18-20 рӯз зиёд набошад.
Таъкид карда мешавад, ки бо дастгирии ташаббусҳои бахши логистикӣ аз ҷониби ҶСК “Ӯзбекистон темир юллари” (роҳи оҳани Ӯзбекистон), дар ин хатсайр барои интиқолдиҳандагон имтиёзҳои тарифӣ муқаррар карда шудаанд. Ин омодагии ширкатро барои ташкили ҳаракати устувор ва мунтазами қаторҳои боркаш дар самти Чин — Осиеи Марказӣ тасдиқ мекунад.
Моҳи июли соли гузашта хабар дода шуд, ки мақомоти Чин бори аввал қатораи роҳи оҳанро аз Шаҳри Ухани вилояти Хубэй тавассути хатсайри интиқоли байналмилалии Чин — Қирғизистон — Ӯзбекистон фиристодаанд. Он вақт мушаххас карда шуд, ки бо ин минтақаи дигари “Поднебесной” ба ин шабакаи логистикӣ пайваст шуд, ки кишварро бо ҷумҳуриҳои Осиёи Марказӣ мепайвандад.