Амрико: Донишгоҳ духтари Лориҷониро аз кор пеш кард

Донишгоҳи тибии эморӣ дар иёлоти Ҷорҷияи ИМА хабар дод, ки Фотима Лориҷонӣ, духтари Алии Лориҷонӣ, мансабдори баландпояи Ҷумҳурии Исломии Эронро аз кор хориҷ кард.
Фотима Ардашер Лориҷонӣ дар бахши саратоншиносии ин донишгоҳ фаъолият дошт.
Даҳҳо фаъоли эронӣ аз ин донишгоҳ хоста буданд, то ҳузури духтари нафареро, ки ҳамеша шиори “Марг ба Амрико” медиҳад, шарҳ диҳад.
Эрл Баддӣ Картер, узви Маҷлиси намояндагони Амрико аз иёлоти Ҷорҷия, дар номае ба донишгоҳи эморӣ хостори ихроҷи Фотима Лориҷонӣ шуда буд.
Рӯзи 24 январ мудири донишкадаи тиббии донишгоҳи эморӣ дар шабакаи Х навишт, ки дигар Фотима Лориҷонӣ бо онҳо ҳамкор нест.
Ду ҳафта пеш, Алии Лориҷонӣ дар посух ба ҳушдори Трамп, ки агар Эрон эътирозгаронро бикӯшад, посухи сахте хоҳад гирифт, дар шабакаи Х навишт, ки мардуми ИМА бояд “муроқиби сарбозони худ бошанд”.