Амрико боҷи навбатӣ ҷорӣ мекунад

Президенти ИМА Доналд Трамп ба молу маҳсулоти кишварҳое, ки ба сиёсатҳои ӯ дар бораи ҷазираи Гренландия мувофиқ нестанд, боҷи гумрукӣ ҷорӣ мекунад.
Ба ин тартиб, аз якуми феврали имсол ИМА аз маҳсулоти воридшуда аз Дания, Норвегия, Шветсия, Фаронса, Олмон, Британияи Кабир ва Финландия 10 дарсад боҷ меситонад.
Доналд Трамп дар шабакаи иҷтимоиаш навишт, “ин боҷ то замоне ситонида мешавад, ки дар бораи хариди комили Гренландия тавофуқ ҳосил нашавад. ИМА беш аз 150 сол аст, ки талош дорад ин корро анҷом диҳад”.
Президенти Амрико дар як моҳи ахир борҳо гуфтааст, ки барои таъмини амнияти миллӣ, Амрико бояд ҷазираи Гренландияро зери назорат гирад. Трамп аз он норозигӣ кард, ки атрофи ҷазираро “киштиҳои Русия ва Чин иҳота кардаанд.
Рӯзи 17-уми январ дар Дания намоишҳо бо пуштибонӣ аз ҳифз шудани мақоми Гренландия баргузор шуд, ки он ҳазорон нафар ширкат карданд.
Гренландия калонтарин ҷазира дар ҷаҳон аст, ки 57 ҳазор аҳолӣ дорад ва он аз ҷониби Дания, як кишвари аврупоӣ идора мешавад.