Дар шаш моҳи соли 2025 дар ҷумҳурӣ 13089 (дар соли 2024-ум ҳамагӣ 11804 адад) ҷиноят аз ҷониби ҳамаи субъектҳои бақайдгирӣ-баҳисобгирӣ ба қайд гирифта шудааст, ки нисбат ба ҳамин давраи соли гузашта 1285 ҷиноят зиёд мебошад.
Кушодашавии ҷиноятҳо бошад, 72 фоизро ташкил додааст” – чунин иттилоъ дод имрӯз зимни нишасти матбуотӣ вазири корҳои дохилии ҶТ Рамазон Раҳимзода.
Аз ҷумла, “одамкушӣ ва сӯиқасд ба он” – 28 адад, роҳзанӣ – 20 , ғоратгарӣ – 57, таҷовуз ба номус – 24, қасдан расонидани зарари вазнин ба саломатӣ – 64 , авбошӣ – 762 , қаллобӣ – 2356, дуздӣ – 2182 , тамаъҷӯӣ 33, муомилоти ғайриқонунии воситаҳои нашъадор 486 ҳолат ба ҳисоб гирифта шудаанд.
Саодати Абдукарим
Блоки рекламавӣ
