Трамп ва Зеленский чӣ гуфтанд?

Трамп дар бораи натиҷаҳои гуфтушунид бо Зеленский, ЗАЭС ва масъалаҳои ҳалношуда.
Президенти ИМА Доналд Трамп ва Президенти Украина Владимир Зеленский дар Флорида мулоқот карданд. Дар вохӯрӣ нақшаи сулҳи Киев ва бист банди он баррасӣ шуд. Дар натиҷаи гуфтушунид Президентҳои ИМА ва Украина нишасти матбуотӣ доир карданд.
Изҳороти асосӣ дар интихоби Ъ: Доналд Трамп
-Мулоқот “аҷоиб” гузашт ва пеш аз он сӯҳбати дусоатаи хуби телефонӣ бо Владимир Путин буд.
– Мо бисёр масъалаҳоро муҳокима кардем ва хеле наздиктар ба ҳалли моҷаро омадем.
– 95% мавзӯъҳоро фаро гирифтем, аммо ба хотимаи низоъ хеле наздик шудем.
– Қариб ҳамаи мавзӯъҳо бо Владимир Путин пеш аз вохӯрӣ хеле муфассал муҳокима карда шуданд.
– Беҳтар аст, ки ҳоло созишнома бандед, вагарна қаламрави бештар забт карда мешаванд.
– Як ё ду масъалаи мураккаб ҳалношуда боқӣ мемонад.
– Масъалаҳои хати тамос дар Донбасс ҳанӯз мувофиқа нашудаанд, ин яке аз масъалаҳои ҳалношуда мебошад.
– Барои мувофиқа кардани нақшаи сулҳ дар Украина шояд гузаронидани раъйпурсӣ е овоздиҳӣ дар парлумони Украина зарур бошад.
– Нерӯгоҳи барқии атомии Запороже дар ҳолати хуб аст, онро зуд дубора ба кор андохтан мумкин аст. Путин мехоҳад, ки он кор кунад ва ба Нерӯгоҳ бо мушак е чизи дигар назананд.
– Гурӯҳи гуфтушунид аз Стивен Уиткофф, Ҷаред Кушнер, генерал Дэн Кейн, Марко Рубио ва чанд нафари дигар иборат хоҳад буд. Пит Хегсет низ бояд дар кори он иштирок кунад.
– Дар бораи мӯҳлати ҳалли масъалаҳои мушкилот: агар ҳама чиз хуб бошад, пас чанд ҳафта, агар бадтар бошад, дарозтар, агар бад бошад, пас рӯй нахоҳад дод.
– Мулоқоти сеҷонибаи Президентҳои Руссия, ИМА ва Украина “дар вақти зарурӣ имконпазир аст”.
– Дар бораи марги тақрибан 100 шаҳрванди ИМА дар майдони ҷанг дар қаламрави Украина: “Чӣ қадар бад аст, ки онҳо дар кишвари бегона вафот кардаанд. Баъзеи онҳо одамони машҳур буданд.”
– Аврупо қисми зиёди кафолатҳои амниятиро ба Украина мегирад, ИМА низ кӯмак хоҳад кард.
– Русия омода аст дар барқарорсозии Украина кӯмак кунад.
– Ман
Владимир Зеленский чӣ гуфт:
– Дар нақшаи сулҳ 90% мувофиқа шудааст.
– Кафолатҳои амниятӣ байни ИМА ва Украина 100% мувофиқа карда шудаанд.
– Кафолатҳои амниятӣ байни ИМА, Иттиҳоди Аврупо ва Украина қариб мувофиқа карда шудаанд.
– Масъалаҳои ҳарбӣ 100% мувофиқа карда шудаанд. – Нақшаи барқарорсозии иқтисодиёт ҳанӯз мувофиқа карда мешавад.
– Кафолатҳои амниятӣ марҳилаи калидӣ барои расидан ба сулҳи дарозмуддат мебошанд.
– Дар ҳафтаҳои оянда вохӯриҳои нав барои ба итмом расонидани нақша баргузор мешаванд.
– Раъйпурсӣ оид ба масъалаҳои алоҳидаи нақшаи сулҳ имконпазир аст.